(veilam atangin)
(1) Haulawng leh Dawn inkar Kawng(Haulawng hnaih lam)
(2) & (3) Thenzawl leh Lunglei inkar kawng
Heng te hi leimin tur ven nan a siam an ni a, a hmanrua hi Mau a ni.Mau ho hi tam tan tawh mek te an ni . Hmun thenkhatah chuan Mau vek te hi an rawn chawr thar leh mai a, hmun dang leh ah chuan thil dang (e.g. pangpar leh thing mawi deuh hlek) te chin/phun an ni bawk a. Thlalak (3)-na hi hmun pakhat a mau leh thlai/hnim rawn chawr tan tawhte an ni. Leimin mai thei tur leh leivung paihna hmunah te hetiang thil hi hman an ni tlangpui a. Soil/Slope stabilization (Leimin tur ven dan) atan a 'Bio-Technology' chi khat a ni. He technology hi Mizoram State Roads(World Bank Funded) Project-ah hman chhin a ni a, heng thlalak te hi hemi project a mi an ni. Bamboo net/mesh, bamboo fencing etc. tih te pawh in an sawi bawk thin. Mau hmang hian step ang deuh in retaining wall ang deuh sang tak lem lovin siam a ni a, terrace siam a ang ber awm e, chu miah chuan thlai/thing te phun an ni mai a. Tin, a dang leh ah chuan mau hmang hian leivung chungah net/mess siam a ni thin. Heng hian thlai/hnim an lo to hma chu leimin tur leh lei kal ral tur (erosion) an lo dang tang tang a, mau te an lo tawih meuh chuan thlai hring/ thing te an lo to hman leh tawh thin a, chung chuan hna an rawn chhunzawm tawh mai thin a ni. He technology hi a tlawm em em a, a bikin mau te chu Mizoramah a tam a, a hman theihna ang chi ah chuan an tha em em ve tho bawk si a, chu bakah Environment friendly-an tih mai, hnim leh thlai-te tichhe lovin, tihchhiat tawh sa pawh hetiang hian a thar a siam leh theih zawk a ni. Hmasawnna kawngah kawngpui kan mamawh a, heng kawngpui te hian environment-ah chhiatna a thlen ve lawi bawk si a, Bio-teachnology hi a theih phawt chuan thil tel ve ngei ngei tur a ngaih chi a ni ang, Ram hmangaih tak tak tan chuan.
Hetiang a tangkai tak a kan ram a Mau-te hman tangkai zel hi kan ngaihtuahna kan sen tlan na tur ni in a lang a ni. KAN TLANG KAN RAM, A HRING A MAWI...
Hetiang a tangkai tak a kan ram a Mau-te hman tangkai zel hi kan ngaihtuahna kan sen tlan na tur ni in a lang a ni. KAN TLANG KAN RAM, A HRING A MAWI...
6 comments:
Kan ram hruaitu Pu Zoraman kan mau te chu ph aiah sumdawnna maktaduaih mai ni lo hnaptlanuaih mizoram a chhun luh ruih ruih nan a thawn chhuak zo tawh em maw ka ti a. Zoram leilungin hman tangkai tur min la hnutchhiah a ni maw? He tiang lam a zoram hmangaihna rilru tak nei chung a hnathawk hi kan ram hian a mamawh reng a sin. Ziak zel teh, a bengvar thlak khawp a nia.
thiam hle mai..rem chang hmasa ber ah ziak tur in kan sawm leh dawn ania. mahse mau phun Bio-technology kan tih dawn chuan a technology a hniam awm mange aw he2, ruatdika pa ten tsunami pawh Tee sunami an ti tawh tih nak a laiin . :)
zahmawh lampang ni lo ve teh tlats
2006 fur atng khan heng hna hi tan an ni a.. tunah chuan athen hi chu a hring dup tawh a ni..kan ram hnimhring regeneration chak zia a chiang hle mai.fig(1)&(3)hi Bamboo Crib a ni a;kawng kam balthla tawh vennan tih a ni- Zotui bul Km10+150 (Haulawng atangin);a thawktute pawh Mizopa ngei a ni.Fig(2)hi Aizawl atanga Km100+350 Kanghmun South ram a ni a- Embankment fill a ni deuh ber. May 2007 khan tan a ni a- harsatna ber chu rain-cuts ven hi a ni a-ruahtui luang in a eichhiat tur drainage siam a ngai khawp mai. Heng 'unorthodox' slope stabilisation method hi tunah rih chuan thain a lang; mahse rei adaih erawh angem tihchu chhut tham a ni. Bangalore company pakhat heng lam hna a specialised chuan Rs.60/- per sqm in an thawh laiin thave thosi hian heng hna hi Rs.25/-sqm velin thawh a ni a. Leivung paihna (disposal site)leh embankment ho hi 100 vel a awm a, tunah hian 1/4 vel chu Mizo method hian hma lak mek a ni. Heng thlalak leh hnathawhte hi Washington-a(USA)hotu te hnen poh thlen a ni tawh a,tuna resultah chuan Mizo min fak ve khawp mai. Mautam leh he kawng siam hna hi a lo rual hi malsawmna a tling tak zet a ni. Mau bakah sava tlan chi thing leh hnim (hmunphiah, mulberry..etc)te pawh chin tel a ni bawk.
mizoram chu ruahtui a tla tha em alawm....khawvel ah bio-diversity san na ber pawl ani reng ani!
a thing phun tur ah thlan thiam a ngaih hmel khawp mai, thingzai tur a tan a tra tur ang chi phun chuan min ruk mai an duh thei ve tlat!
Kismas chibaibukna kan lo chhiar a, kan lawm e. I blog chu tlawh man a hla khawp mai. kan lo tlawh fo ang e.
Post a Comment